سياسة الخصوصية

آخر تحديث: ١٧ نوفمبر ٢٠٢٦

واصل منصة بتساعد الأنشطة التجارية تكلّم عملاءها على واتساب من خلال منصة واتساب الرسمية للشركات من ميتا. الصفحة دي بتشرح البيانات اللي بنتعامل معاها وليه.

البيانات اللي بنجمعها

  • بيانات الحساب: الاسم، الإيميل، اسم النشاط، والدولة. كلمة السر بتتخزن مشفّرة ومش بنقدر نشوفها.
  • رسايل واتساب بين النشاط وعملاءه: نص الرسالة، رقم العميل، اسمه الظاهر على واتساب، ووقت الرسالة وحالتها.
  • بيانات تقنية ضرورية لتشغيل الخدمة وحمايتها، زي عنوان IP وسجل محاولات الدخول.

بنستخدمها في إيه

مش بنبيع البيانات ومش بنستخدمها في إعلانات.

  • لتوصيل الرسايل واستقبال الردود وعرضها لفريق النشاط.
  • لتسجيل الدخول، وتأكيد الإيميل، وتغيير كلمة السر، وحماية الحسابات.
  • لحساب الاستهلاك الشهري، زي عدد الردود من أول ١٬٠٠٠ رد.

مين بيشوفها

  • ميتا (واتساب) وTwilio، علشان الرسايل توصل — وده جزء أساسي من الخدمة.
  • مزوّد الاستضافة اللي السيرفرات وقاعدة البيانات عليه.
  • أي جهة قانونية لو القانون طلب ده.

دور النشاط التجاري

النشاط اللي بيستخدم واصل هو المسؤول عن رسايله وعن موافقة عملاءه على استلامها. واصل بيعالج بيانات العملاء بالنيابة عن النشاط وحسب تعليماته.

المدة اللي بنحتفظ فيها بالبيانات

طول ما الحساب شغال. لما الحساب يتقفل أو يطلب الحذف، بنمسح البيانات خلال ٣٠ يوم إلا اللي القانون يلزمنا نحتفظ بيه.

حقوقك

تقدر تطلب نسخة من بياناتك أو تصحيحها أو حذفها. ابعت لنا على support@sarabweb.tech.

← رجوع لواصل